هەریەکە لە بەریتانیا و فەرەنسا و ئەڵمانیا داوا لە ئێران دەکەن ئەگەرى هێرشکردنەسەر ئیسرائیل رابگرن و دەڵێن: ئەمە هەنگاوەکانى راگەیاندنى ئاگربەست و ئازادکردنى بارمتەکان لە غەززە تێکدەدات.

هەواڵ: KNNC

 

ئەمرۆ دووشەمە سەرکردەکانی هەر یەکە لە وڵاتانی بەریتانیا، فەرەنسا و ئەڵمانیا لە بەیاننامەیەکی هاوبەشدا کە لەلایەن حکومەتی بەریتانیاوە بڵاوکرایەوە ڕایانگەیاند؛ داوا لە ئێران و هاوپەیمانەکانی دەکەین خۆیان بەدوربگرن لە هێرشکردنە سەرئیسرائیل و گرژی ئاڵۆزیەکانی نێوانیان کۆتایی پێبهێنن.

هەر سێ وڵاتەکە لە بەیاننامە هاوبەشەکەیاندا داواش دەکەن چى بارمتەیەک لەلاى بزوتنەوەى حەمماسە بەزویی ئازاد بکرێن و هاوکارییە مرۆییەکانیش بگاتە کەرتى غەززە بێ دواکەوتن و دروستکردنى بەربەست.



هەروەک هەنگاوەکانى راگەیاندنى ئاگربەست و ئازادکردنى بارمتەکانیشیان بە هەنگاوێکى باش وەسفکرد و پشتگیریکردنیان لەو هەنگاوانە راگەیاند و جەختیش دەکەنەوە کە هەمو هەوڵێکیان دەدەن گرژییەکان لە رۆژهەڵاتى ناوەڕاست لەوەى هەیە زیاتر پەرە نەسەنێت.