سەرۆکی حکومەتی هەرێمی کوردستان رایدەگەیەنێت: لە
پێناو گەڕانەوەی ئارامی و سەقامگیری بۆ ناوچەکە پێویستە بە زوترین کات رێککەوتننامەی
شنگال جێبەجێ بکرێت.
هەواڵ:KNNC
لە یادی تێپەڕبونی 10
ساڵ بەسەر جینۆسایدی ئێزدییەکان لە شنگال مەسرور بارزانی سەرۆکی حکومەتی هەرێمی
کوردستان پەیامێکی بڵاوکردەوە و رایگەیاند، هێشتا ئازار و مەینەتییەکانی ئێزیدییەکان
کۆتایی نەهاتوە و هێشتاش ژمارەیەکیان بێسەروشوێنن، تا ئێستاش ژمارەیەکی زۆر لە
ئاوارەکان نەیانتوانیوە بگەڕێنەوە بۆ ناوچەکانیان.
دەشڵێت: حکومەتی هەرێم
بەردەوامە لە هەوڵەکانی بۆ ئاساییکردنەوەی دۆخی شنگال و دەوروبەری و کار بۆ
ئاوەدانکردنەوەی ناوچەکە دەکەن بۆئەوەی زەمینە بۆ گەڕانەوەی ئاوارەکان بۆ شوێنی
نیشتەجێبونیان خۆش بکرێت.
ئاماژەی بەوەشکردوە، جەخت لە جێبەجێكردنی رێككەوتننامەی شنگال وەکو خۆی دەکەنەوە بۆ ئەوەی
ئارامی و سەقامگیریی بۆ ناوچەکە بگەڕێتەوە و پاراستن و بەڕێوەبردنی دەڤەرەکەش بدرێتە
دەست خەڵکی رەسەنی شنگال.
490 جار خوێندراوەتەوە