بەپێی زانیارییەکانى کەى ئێن ئێن، تا ئێستا ئەو
لیژنەیەی بۆ هاوتاکردنى موچەى خانەنشینانى هەرێم و بەغداد پێکهاتوە دەستبەکار
نەبون و ئەم مانگەش خانەنشینان موچەکانیان بە هاوتانەکراوى وەردەگرن.
ئابورى:KNNC
لەوبارەیەوە سەرچاوەیەکى ئاگادار بە کەى ئێن
ئێنى وت: هەفتەى داهاتو ئەو لیژنەیەى لەنێوان حکومەتى هەرێمى کوردستان و حکومەتى
فیدراڵ پێکهێنراوە، دەستبەکار دەبێت و لە هەرێمى کوردستان ئامانج رەحیم، سکرتێرى
ئەنجومەنى وەزیران سەرۆکایەتیی لیژنەکە دەکات.
ئاماژەى بۆ ئەوەکردوە کە حکومەتى فیدراڵ
رەزامەندى دەربڕیوە بە دابینکردنى ئەو بڕە پارەیەى پێویستە بۆ هاوتاکردنى موچەى
خانەنشینانى هەرێمى کوردستان و بۆ موچە زیاد دەبێت.
ئەوەشى ئاشکرا کردوە کە هاوکارى هاوتاکردنى
موچەى خانەنشینان ئەم مانگەش ناگرێتەوە، واتا خانەنشینانى هەرێم موچەى مانگى حەوت
هاوشێوەى مانگەکانى پێشو و بە هاوتانەکراوى وەردەگرن.
سلێمانى/ بڕیار نامیق
1182 جار خوێندراوەتەوە