دەزگای ئاسایشی هەرێمی كوردستان دەستبەسەر کارگەیەکی پێکەوەنانی ئۆتۆمبێلی بێسەرەتا و بڕاوە دەگرێت و تۆمەتباران روبەڕوی یاسا دەكاتەوە.


هەواڵ: (KNNC)


بەڕێوەبەرایەتی گشتی ئاسایشی سلێمانی بڵاویكردەوە؛ دوای بەدواداچون و چاودێری ورد، لە چالاکییەکەدا لە رۆژی (2024/6/2) ئاسایشی رۆژئاوا بەهەماهەنگی بەڕێوەبەرایەتی بازگەکان، توانیان لەناوچەی (چیمەن)ـی نزیک شاری کەرکوک، دەست بەسەر  کارگەیەکی پێکەوەنان و لەحیمکردنەوەدا بگرن کە (17) ئۆتۆمبێلی بێ سەرەتا و بڕاوە بەڕێگای نایاسایی لەشاری بەسرەوە هێنرابون.

ئاماژەی بۆ ئەوەشكردوە،تۆمەتباران بەنیازبون دوای چاکردنەوەی ئۆتۆمبێلەکان لە کوردستان ساغیبکەنەوە، بەبڕیاری دادوەری لێکۆڵینەوەی ئاسایش سەرجەم تۆمەتباران دەستگیرکران و لەئێستادا تۆمەتباران بەماددەی (240) لە یاسای سزادان راگیراون و لێکۆڵینەوە لەدۆسیەکانیان بەردەوامە.