دەستەی ژینگەی هەرێم، هۆشداریى دەداتە، کەناڵەکانى رادیۆ و تەلەڤزیۆن و کۆمپانیاکانى ئەنتەرنێت بەوەى، پابەندى رێنماییەکانى ژینگەپارێزى نەبن، سزا دەدرێن..

هەواڵ:KNNC

بەگوێرەی رێنمای ژمارە 3ی ساڵی 2023ـی دەستەی ژینگەی هەرێم كە بۆ سەرپێچییە ژینگەییەكان دەریكردوە، سزای سەرپێچیی ژینگەیی تاوەرەكانی تەلەڤزیۆن، ئەنتەرنێت، رادیۆ و تەلەفۆن، یەك ملیۆن دینار تا پێنج ملیۆن دینارە.

هەر لەو ڕێنماییانەدا هاتوە: تاوەرێك رەزامەندیی ژینگەیی نەبو، چوار ملیۆن دینار سزاكەیەتی و ئەگەر بەدالەی مەركەزی بەبێ رەزامەندیی ژینگە دانرابو پێنج ملیۆن دینار و ئەگەر نیشانەی ئاگاداركردنەوەش لەسەر تاوەرەكان نەبو، ئەوا دوو ملیۆن دینار سزا دەدرێت.

دەشڵێت، ئەگەر مۆلیدەی تاوەرەكان دوكەڵ بكات یان ژاوەژاوی هەبێت ملیۆنێك دینار سزا دەیگرێتەوە و ئەگەر دەوروبەری مۆلیدەكەش بە رۆن یان گازوایل پیس بوبێت سێ ملیۆن و ئەگەر سیاجیشی نەبێت دوو ملیۆن دینار سزاكەیەتی.