عێراق بڕیاریدا بە
راگرتنى ئەپڵیکەیشتنى تێلیگرام لە وڵاتەکە، بەپێى بەدواداچونێکى کەى ئێن ئێنیش ئەم
بڕیارە هەرێمى کوردستان ناگرێتەوە و لە عێراقیش ئەستەمە جێبەجێ بکرێت.
هەواڵ:KNNC
سەرچاوەیەک لە وەزارەتى گواستنەوە و گەیاندنى هەرێم بە کەى
ئێن ئێنى وت:" ئەو بڕیارە پەیوەندى بە هەرێمەوە نییە و هەرێمى کوردستان ناگرێتەوە".
وتیشى،" ئەو بڕیارەى
دەرچوە پەیوەندى بە زۆر پرسى ترەوە هەیە لەوانە قەدەغەکردنى پۆبجى و زۆر ئەپڵیکەیشنى
دیکە، بەڵام ناتوانن کۆنتڕۆڵى بکەن و تەنها بانگەشەیە".
جەختیشى کردەوە، دەرکردنى
ئەو بڕیارە تەنها لەسەر کاغەزە و ناتوانن جێبەجێى بکەن، چونکە ئەوە پەیوەستە بە کۆمەڵێک
هاوکێشەى سیاسى و بازرگانییەوە.
ئا: دابان صباح
217 جار خوێندراوەتەوە