نرخی نەوتی خاو لە بازاڕەکانی جیهاندا بەشێوەیەکی بەرچاو دابەزی و هەر بەرمیلێك 4%ی بەهاکەی لەدەستدا.

نەوتی خاو لە بازاڕەکانی جیهاندا بەشێوەیەکی کتوپڕ دابەزی و هەر بەرمیلێك نەوتی خاوی برنت بە 86 دۆلار مامەڵەی پێوەدەکرێت.

هاوکات، نرخی خاوی تەکساسیش بە 79 دۆلار بۆ هەر بەرمیلێك مامەڵەی پێوەدەکرێت.

نرخی ئێستای نەوت نزمترینیەتی لە ماوەی دو ساڵدا و هۆکاری سەرەکیش بەرزبونەوەی نرخی سودە و بەمەش مەترسی دەکەوێتە سەر گەشی ئابوری جیهان.

لە سەرەتای دەستپێکی هێرشەکانی روسیا بۆسەر ئۆکرانیا بەهۆی زیادبونی سزاکانی وڵاتان لەسەر روسیا و کەمبونی دابینکردنی نەوت لە بازاڕەکاندا نرخی نەوت گەیشتە بەرزترین ئاستی لەماوەی 14 ساڵدا.