نرخی نەوت زیاتر دابەزی

KNN : Kurdish News Network
08:23 - 22/09/2022
ئابوری

نرخی نەوتی خاو لە بازاڕەکانی جیهاندا دابەزینى بەخۆیەوە بینى و بەراورد بە دوێنێ هەر بەرمیلێک نەوت نزیکەی دۆلارێک دابەزیوە.

ئەمڕۆ پێنجشەممە، نرخی نەوتی خاوی برنت لە ئێستادا بە (90) دۆلار و (19) سەنت مامەڵەی پێوەدەکرێت و بەراورد بە دوێنێ نرخەکەى دابەزیوە.

هاوکات، نرخی نەوتی خاوی تەکساسیش بە (83) دۆلار و (25) مامەڵەى پێوە دەکرێت.

بەهۆی هەڵئاوسانی ئابوری و ترسانی کۆمپانیا نەوتییەکان لە مایەپوچبون، نرخی نەوت ناجێگیرە و بەرز و نزمی زۆر بەخۆیەوە دەبینیت.

لەسەرەتای هەڵگیرسانی شەڕی ئۆکرانیا و روسیا، قەیرانی کەمی نەوتی خاو لە جیهاندا سەریهەڵدا و نرخی نەوت بەشێوەیەکی بەرچاو بەرزبوەوە و هەر بەرمیلێك (130) دۆلاری تێپەڕاند

135 جار خوێندراوەتەوە