وەزارەتی بازرگانی عێراق وادەی دابەشکردنی کۆتا
بەشەخۆراکی مانگانەی هاوڵاتییانی راگەیاند و میکانیزمی راگرتنی بەشەخۆراکی بەشێك لە
هاوڵاتییانیشی راگەیاند.
ئەمڕۆ شەممە، وەزارەتی بازرگانی رایگەیاند: یاسای
پاڵپشتی فریاگوزاری خۆراکی تا 31/12ی ئەمساڵ بەشەخۆراکی مانگانەی دیاریکردوە و لەو
بەروارەوە بەشەخۆراکی مانگانە کۆتایی دێت.
ئاماژەی بەوەشکردوە، دەکرێت بۆ ماوەی دوو بۆ سێ مانگی ساڵی
داهاتو دابەشکردنی بەشەخۆراکی مانگانە بەردەوام بێت لە رێگەی عەمبارەکانی
فریاگوزارییەوە.
وەزارەتی بازرگانی راشیگەیاند: میکانیزمێک ھەیە بۆ ڕاگرتنی
بەشەخۆراکی خێزانە دەوڵەمەندەکان، بە هەماهەنگی لەگەڵ وەزارەتەکان و فەرمانگەکانی
دەوڵەت بەپێی داهاتی مانگانەی هاوڵات.
ئاشکراشیکردوە، بە هەماهەنگی وەزارەتەکان ، وەزارەتی
بازرگانی و کۆمپانیای گشتی بۆ بازرگانی خۆراک کارتی ئەلیکترۆنی بەشە خۆراکی
هاوڵاتییان کارا دەکەن کە رۆڵی دەبێت لە
دابینکردنی بەشە خۆراکی زیاتر بۆ خێزانە کەمدەرامەتەکان.
4232 جار خوێندراوەتەوە