نرخی نەوت بەردەوامە لە دابەزین

KNN : Kurdish News Network
08:24 - 19/06/2022
ئابوری

نرخی نەوتی خاو لە بازاڕەکانی جیهاندا گۆڕانکاری بەرچاوی بەسەردا هاتوە و دابەزیوە، لە ماوەی سێ رۆژدا زیاتر لە حەوت دۆلاری لێبوەتەوە.

 

نرخی نەوتی خاوی برنت لە ئێستادا بە (113) دۆلار مامەڵەی پێوەدەکرێت و بە بەراورد بە دوێنی نزیکی دۆلارێك دابەزیوە..


هاوکات، نرخی نەوتی خاوی تەکساسیش بە (109) دۆلار و نۆ سەنتە.

دابەزینی نرخی نەوت بەهۆی توندکردنەوەی رێکارەکانی کۆرۆنایە لە چین، زۆربەی کارگە گەورەکان و بازاڕەکانی داخستوە، بەمەش خواست لەسەر نەوت لە جیهاندا کەمدەبێتەوە، بەو پێیەی چین بە گەورە کڕیاری نەوت لە جیهاندا دادەنرێت.


بەهۆی هەڵگیرسانی شەڕی ئۆکرانیا و روسیا، قەیرانی کەمی نەوتی خاو لە جیهاندا سەریهەڵدا و نرخی نەوت بەشێوەیەکی بەرچاو بەرزبوەوە و هەر بەرمیلێك (130) دۆلاری تێپەڕاند

547 جار خوێندراوەتەوە