دیدارى یەکێتى دەستیپێکرد

KNN : Kurdish News Network
10:25 - 28/05/2022
کوردستان

دواى نزیکەى (100) رۆژ لە ئامادەکارى و ئەنجامدانى ژمارەیەک کۆبونەوە، ئەمڕۆ شەممە، دیدارى یەکێتى نیشتمانى کوردستان لەژێر دروشمى " نوێبونەوە و چاکسازى". دەستیپێکرد.

دیدارەکە کاتژمێر (10:00) لە هۆڵى پێشمەرگە لە شارى سلێمانى دەستیپێکرد و لە وتارى کردنەوەى دیدارەکەش، قوباد تاڵەبانى سەرپەرشتیاری گشتی دیداری یەکێتی  رایگەیاند: دیدارى یەکێتى دەبێتە مایەى نزیکبونەوەى یەکێتى لەگەڵ لایەنگرانى و دەنگدەرانى.

جەختیشى کردەوە، پێویستە داڕشتنەوەیەکى راستگۆیانە بۆ سیاسەتى حیزبەکەیان بکەن.

لەدیدارى یەکێتیدا، ژمارەیەکى زۆر ئەندام و لایەنگرو بەرپرسانى ئەو حیزبە لە هەرێمى کوردستان و دەرەوەى هەرێم بەشدارن.

 

دیداری یەکێتی وەک خۆیان دەڵێن،" ھەوڵێکە بۆ نوێکردنەوەی توانا حیزبییەکان و ھۆکارێکی گرنگە بۆ بەھێزکردنی خواستی چاکسازی لە دامەزراوە و ئۆرگانەکانی حزب و دوبارە داڕشتنەوەی سیاسەت و دیدگای یەکێتی بۆ کۆی پرسەکان".


144 جار خوێندراوەتەوە