نرخی گەنمی وەرگیراوی جوتیاران زیاد دەکرێت

KNN : Kurdish News Network
05:43 - 13/05/2022
عێراق

لیژنەی کشتوکاڵ لە پەرلەمانی عێراق رایگەیاند: نرخی گەنمی وەرگیراو وەک پاڵپشتییەك بۆ جوتیاران لە یاسای ئاسایشی خۆراك زیاد دەکرێت.

 

سەلام شەمەری، ئەندامی لیژنەی کشتوکاڵی پەرلەمانی عێراق رایگەیاند: نرخی هەر تۆنێك گەنم لە (100) هەزارەوە بۆ (850) هەزار زیاد دەکرێت.

 

باسی لەوەشکردوە، ئەو زیادکردنە لە یاسای ئاسایشی خۆراکدا دەچەسپێنرێت و هەوڵدەدرێت بەبازاڕکردنی بەرهەمی ناوخۆ زیاتر بکرێت.

 

هەفتەی رابردوش، وەزارەتی کشتوکاڵی عێراق (500) ملیار دیناری بۆ پاڵپشتی جوتیاران و بەرهەمی ناوخۆ دابین کرد و راشیگەیاند، بەبازاڕکردنی بەرهەمی ناوخۆ ئەمساڵ سەرکەوتنی بەدەستهێناوە و دەمانەوێت ئاستەکەی زیاتر بکەین. 

 

ساڵانە حکومەتی ناوەندی ساڵانە نزیکەی پێنج ملیۆن تۆن گەنمی ناوخۆی جوتیاران دەکرێتەوە و پێداویستی ناوخۆی پێ پڕ دەکاتەوە.

1153 جار خوێندراوەتەوە