لیژنەی فریاگوزاریی سلێمانی داوایەک ئاڕاستەی هاوڵاتیان دەکات

KNN : Kurdish News Network
11:46 - 21/01/2022
کوردستان


لیژنەی فریاگوزاریی سلێمانی داوا دەکات، هاوڵاتییان تا چەند کاتژمێری داهاتووش، لە ماڵەکانیان بمێننەوە.

لیژنەی فریاگوزاریی سلێمانی لە راگەیەنراوێکدا، هۆشداریی دا لە بارەی دۆخی شەقامەکانەوە ‌و دەڵێت: هێشتا شەقامەکانی ناو شار و دەرەوەی شار، بەستەڵەکە و مەترسیی ڕووداوی هاتوچۆ هەیە.

لیژنەی فریاگوزاریی سلێمانی داوا لە هاوڵاتییان ‌و شۆفێران دەکات، لە ماڵەکانیان نەچنە دەرەوە و شۆفێری نەکەن، چونکە هیچ ڕێگایەک سەلامەت نییە تا چەند کاتژمێری داهاتوو.

لیژنەی فریاگوزاریی سلێمانی، دەشڵێت: لە حاڵەتی پێویستدا هاوڵاتییان دەتوانن پەیوەندیی بکەن بە ژمارەکانی (ژمارە ١٠٠ سەنتەری هەماهەنگی هاوبەش)، (ژمارە ١٨٨ کۆنترۆڵی هاتووچۆ)، (ژمارە ١١٥ بەرگری شارستانی) و  (ژمارە ١٢٢ فریاگوزاری تەندروستی)

140 جار خوێندراوەتەوە