وەزارەتى کشتوکاڵى هەرێم رایدەگەیەنێت؛ بەشێوەى قیستى درێژخایەن و بێ هیچ پێشەکییەک، ئامێر و کەلوپەلى پێشکەوتوى کوشتوکاڵى بۆ جوتیاران دابین دەکەین.

بەپێى ئاگادارییەکى وەزارەتى کشتوکاڵ و سەرچاوەکاوەکانى ئاو کە ئاراستەى جوتیاران کراوە، وەزارەتى کشتوکاڵ بە هەماهەنگی کەرتی تایبەت، هەڵدەستێ بە دابینکردنی (ئامێر و کەڵوپەلە پێشکەوتووەکانی کشتوکاڵی) بەشێوەی قستی درێژخایەن و بەبێ وەرگرتنی هیچ پێشەکیەک.

وەزارەتى کشتوکاڵ ئاشکراشى کردووە، تا بەردەست بونی ئامێرەکان بۆ جوتیاران، بەنرخێکی گونجاو، و بەلێخۆشبونی گومرگی و بەخشینی تابلۆی کشتوکاڵی ئەنجام دەدرێت، ئەوەش وەک هەنگاوێکی گرنگ بۆ پاڵپشتی و ئاشنایەتی جوتیاران بە تەکنەلۆژیایی نوێ لەبەرهەم هێنانی کشتوکاڵی.

رونیشى کردۆتەوە، ئەو جوتیارانەی کە خوازیاری وەرگرتنی ئامێر و کەڵوپەلی کشتوکاڵین، بەمەبەستی تۆمارکردنی ناویان و پێدانی زانیاری لەسەر جۆری ئامێر و کەڵوپەلەکان و پرکردنەوەی فۆرم ، لە رێکەوتی (2022/1/23) دەتوانن سەردانی بەرێوەبەرایەتی گشتی کشتوکاڵی پارێزگاکان و ئیدارە سەربەخۆکان بکەن .