وێنە؛ خۆپیشاندان دژبە وه‌رگرتنی ڤاكسینی كۆرۆنا

KNN : Kurdish News Network
12:23 - 26/12/2021
گەلەری

خۆپیشاندان دژبە وه‌رگرتنی ڤاكسینی كۆرۆنا به‌ زۆره‌ملێ و مۆڵه‌تپێدانی ته‌ندروستیی له‌ فه‌ڕه‌نسا به‌ڕێوه‌ چوو.

ئه‌و خۆپیشانده‌رانه‌ی چه‌ندین مانگه‌ هه‌موو رۆژانێكی شه‌ممه‌ له‌ فه‌ڕه‌نسا خۆپیشاندان دژبە وه‌رگرتنی ڤاكسینی كۆرۆنا به‌ زۆره‌ملێ و مۆڵه‌تپێدانی ته‌ندروستیی ئه‌نجام ده‌ده‌ن، له‌ رۆژی كریسمسیشدا، به‌رده‌وام بوون له‌ خۆپیشاندان.

سه‌دان خۆپیشانده‌ر له‌ شه‌قامی ڤۆڵتێر له‌ ناوچه‌ی (11)ی پاریس كۆبوونه‌وه‌ و له‌ كه‌شێكی باراناویدا تا گۆره‌پانی ساینت پیه‌ر رێیان پێوا.

ژماره‌یه‌كی زۆر له‌ ئێلەگ زه‌رده‌كان به‌ له‌سه‌رنانی كڵاوی بابانوئێل به‌شدارییان له‌ خۆپیشاندانه‌كه‌دا كرد و بوونی ئه‌و پانكارتانه‌ی وێنه‌ی بابانوئێلیان له‌سه‌ر دروست كرابوو و هیوای "قه‌یرانێكی باشیان" خواستبوو بووه‌ مایەی سه‌رنجڕاکێشان.

خۆپیشانده‌ران ماوه‌ ماوه‌ دروشمه‌كانی وه‌ك "ئه‌گه‌ر (سه‌ركۆماری فه‌ڕه‌نسا ئیمانوێل) ماكرۆن نه‌شیهه‌وێت بۆ جیهانێكی باشتر و شكۆمه‌ندانه‌تر بۆ كرێكاران لێره‌ین" و "ماكرۆن و پۆلیس دژبە ئێمه‌ ده‌جه‌نگن، به‌ڵام ئێمه‌ پێداگیرین له‌سه‌ر رزگاركردنی وڵات"یان ده‌گوته‌وه‌.

عه‌بدولقادر دەهمانی كه‌ به‌ ره‌چه‌ڵه‌ك جه‌زائیرییه‌ و (60) ساڵه‌ له‌ فه‌ڕه‌نسا ده‌ژی ئاماژه‌ی به‌وه‌ دا كه‌ سێ مانگه‌، زۆربه‌ی رۆژانی شه‌ممه‌ له‌گه‌ڵ ئێلەگ زه‌رده‌كان خۆپیشاندان ئه‌نجام ده‌ده‌ن و له‌ هاوینه‌وه‌ دژی مۆڵه‌تێپدانی ته‌ندروستیی و وه‌رگرتنی ڤاكسینی كۆرۆنا به‌ زۆره‌ملێ خۆپیشاندان ئه‌نجام ده‌ده‌ن.

دەهمانى تیشكی خسته‌ سه‌ر ئه‌وه‌ی، ئه‌نجامدانی پشكنینه‌كانی كۆرۆنا كه‌ له‌سه‌ر بیمه‌ی ته‌ندروستی نییه‌ و كه‌مكردنه‌وه‌ی ماوه‌ی كارپێكردن به‌ ئه‌نجامی پشكنینه‌كان له‌ (72) كاتژمێره‌وه‌ بۆ (24) كاتژمێر 'ئابڕووچوون'ه‌ و وتی: "ئه‌نجامدانی یه‌ك پشكنین (25) یورۆ له‌سه‌رمان ده‌كه‌وێت".

فۆتۆ؛ AA

172 جار خوێندراوەتەوە