بۆچى هەندێک کەس بەردەوام سەرمایانە؟

KNN : Kurdish News Network
08:35 - 22/11/2021
تەندروستی

زۆر جار کەسانێک هەن بەردەوام هەست بە بونى سەرما دەکەن لە جەستەیاندا و لەگەڵ هاتنى وەرزى زستان ئەوان بە بەردەوامى دەگەڕێن بۆ شوێنى گەرم.

بەگشتی ھەستکردن بەسەرما دەگەڕێتەوە بۆ ئەم ھۆکارانەی خوارەوە:

- کەم خوێنی: ئەم حاڵەتە رودەدات کە رێژەی خرۆکەی سوری خوێن کەمدەبێتەوە.

- کەم خواردن و نەمانی ئارەزوی خواردن: ئەمە دەبێتە ھۆی کەمبونەوەی چەوری ژێر پێست بۆیە کەسەکە زوتر ھەست بەسەرما دەکات.

- غودەی دەرەقی تەمبەڵ: کاتێک غودەی دەرەقی کەم ئیشدەکات و رێژەی ھۆرمۆنی تایرۆکسین کەمدەبێتەوە لە لەشدا، ئەمەش دەبێتە ھۆی تێکچونی کرداری راچەنین و میتابۆلیزم لەلەشدا و دروست نەکردنی وزەی پێویست بۆ گەرمبونەوە.

- نەخۆشی بۆری خوێن: کەئەمەش بەھۆی تەسکی بۆری خوێنەکان کە دەچن بۆ پەلەکان و دەبنە ھۆی ھەستکردن بەسەرماو ھەندێک جار شینبونەوە لە پەلەکاندا.

- ھەر کێشەیەک یان نەخۆشییەک لە ناوچەی (hypothalamus)ی مێشکدا کە وەکو تێرمۆمیتەرێکی گەورەی لەش ئیشدەکات دەبێتە ھۆی تێکچونی پلەی گەرمی لەش.

- فایبرۆمایەڵجیا: کە بریتییە لەحاڵەتێکی دەگمەنی رەقبونی ماسولکەکان و ئازاری بەردەوام، بینراوە ئەو کەسانەی ئەم حاڵەتەیان ھەیە زۆرتر ھەست بە سەرما دەکەن.

- نەخۆشی شەکرە: بەھۆی بەرزبونەوەی رێژەی شەکری خوێنەوە گورچیلەکان توشی تێکشکاندن دەبن، کە پێیدەوترێت، یەکێک لەنیشانەکانی ئەم حاڵەتە ئەوەیە کەسەکە ھەست بە سەرما دەکات.

- هەندێک برینداری لە پێستدا یاخود پێکان وەکو شکاوی یان برینێکی کۆن، شوێنەکەی هەستیار تر دەبێت بە سەرما.


وەرگیراوە لە پەیجى دکتۆرى سەرهێڵ

9385 جار خوێندراوەتەوە