ڤیتامینەکان لە کام خۆراکدا هەن و گرنگیان بۆ تەندروستی چیە؟

KNN : Kurdish News Network
12:27 - 27/09/2021
تەندروستی

چەندین خۆراک هەن کە چەندین ڤیتامینیان تێدایە، بەشێوەیەک خواردنیان یارمەتیدەردەبێت لە تەندروستییەکى باش و هاوسەنگکردنى ڤیتامینەکان لە لەشدا، بەم شێوەیەى خوارەوە:

- ڤیتامین C:
رێژەیەکی باش ڤیتامین (C) لە ترشەمەنی یەکاندا هەیە بە تایبەتی لیمۆ و پرتەقاڵ و لالەنگی و تور و بیبەری شیرین کە بەرگری بەهێز دەکات بۆ نەخۆشی یەکانی سەرما و زستان پێویستە لەگەڵ نەخۆشییەکانی پووک.

- ڤیتامین D :
لە بەرهەمی شیر و ماسی و جگەر و رۆنەکەرە و هێلکە و هەنگوین دا بە بڕی پێویست هەیە کەڕێگرە لە نەۆشییەکانی ئێسکە نەرمە و ئیفلیجی مناڵ و نەحۆشی یەکانی جگەر.

- ڤیتامین A :
لە ماست و هێلکە و ڕۆنەکەرە و سپێناخ و قەیسی و گێزەر و کاهو و توو و ماسی و گەنم و هەنگوین دا هەیە کە سودبەخشە بۆ نەخۆشییەکانی کۆئەندامی زاو و زێ و چاو و پێست و ئێسک  و ڕژێنەکان.

 

 - ڤیتامین B (کۆمەڵەی ڤیتامین B):

ڤیتامین B1 :
قەیسی و مۆز و جگەر و زەردێنەی هێلکە و سێو و هەرمێ و هەنگوین و قۆخ و برنج و گەنم دا هەیە کە کاریگەری لەسەر نەخۆشی خەمۆکی و دەمار لاوازی و نەخۆشی یەکانی رۆماتیزم هەیە.

ڤیتامین B12:
لە هەنگوین و خورما و جگەردا زۆرە کە کەمی دەبێتە هۆی کەمخوێنی و لاوازی و بێهێزی.

ڤیتامینB6:
لە کاهو و پەتاتە و سپێناخ و خورما وهەنگوین گەنم دا زۆرە، کەمی ئەم ڤیتامینە کرداری هەرسکردن تێکدەدات.

- ڤیتامین E :
لەگەنمەشامی و فستق و بستە و صۆیا و هێلکە و جگەر و کاهو و گەنم و ڕۆنەکەرەدا زۆرە کاریگەری هەیە لەسەر نەخۆشییەکانی دڵ و نەۆشی دەمارەکان کەم بێت.

ڤیتامین K:
لە تەماتە و سەوزە و جگەر و شیر و سپێناخ و قەرنابیت دا هەیە، کێشەی کەم خوێنی چارەسەر دەکات...

لەشکر حمید
ئەندازیاری خۆراک

564 جار خوێندراوەتەوە