ئومێد بەڕۆشکى سزاى ساڵێکى تر زیندانى بەسەردا سەپێنرا

KNN : Kurdish News Network
01:14 - 23/09/2021
کوردستان

بەتۆمەتی ناوزڕاندن و بڵاوکردنەوەی پۆستی فەیسبوک لەسەر پۆلیس و پارێزگاری دھۆک، ئەمڕۆ ڕۆژنامەوان ئومێد بەڕوشکی بە سزای ساڵێک زیندانیکردن حکومدرا.

 تیمی کوردستانی عێراقی CPT، رایگه‌یاند: لە (22)ی حوزەیراندا، ئومێد بەھەمان تۆمەت سزای ساڵێک زیندانی بەسەردا سەپێندرا و لە ئێستاشدا چاوەڕێی دانیشتنی دادگاییکردنی سێیەمی دەکات کە بڕیاروایە لە (12)ی تشرینی یەکەمدا بەڕێوەبچێت و تۆمەتبارکراوە بە سیخوڕیکردن و ئەنجامدانی کاری تێکدەران.


CPT ده‌ڵێت: ئەوە چوارەمین جارە کە ئومێد بە تۆمەتی ناوزڕاندن حکومدەدرێت و دۆسیەیەکی تری ناوزڕاندنیش لەسەری کراوەتەوە، چاوەڕێ دەکات ڕۆژی دانیشتنی ئەو دادگاییەش دیاری بکرێت.


تیمی کوردستانی عێراقی CPT، پێیوایه‌ خراپ بەکارھێنانی یاسا و ئەم جۆرە لە حکومدان و تاوانبارکردنانە بۆ سنوردارکردنی ئازادی ڕادەربڕینە لە ھەرێمی کوردستانی عێراقدا.

472 جار خوێندراوەتەوە