شارى ووهانى چین دووچارى کارەساتێکى دیکە دەبێتەوە

KNN : Kurdish News Network
11:43 - 15/05/2021
جیهان

شارى ووهان لە هەرێمى هوبى چین کە بە سەرچاوەى بڵاوبونەوەى ڤایرۆسى کۆرۆنا دادەنرێت دووچارى کارەساتێکى سروشتى بوەوە کە بە هۆیەوە زیاتر لە (200) کەس بونە قوربانى.

ئاژانسى هەواڵى شینخواى چینى بڵاویکردەوە، زریانێکى بەهێز شارەکانى ووهان و چیانگسۆى گرتوەتەوە کە بەهۆیەوە حەوت کەس گیانیان لەدەستداوە و (218) کەسیش برینداربوون.  

لەلایەکى دیکەوە، ئاژانسى هەواڵى رۆیتەرز بڵاویکردەوە، بەهۆى ئەو زریانەوە (27) خانو بە تەواوى رووخاون و (130) باڵەخانەش زیانیان بەرکەوتووە.

شارى ووهان دەکەوێتە هەرێمى هوبى لە رۆژهەڵاتى چین، بە سەرچاوەى بڵاوبونەوەى ڤایرۆسى کۆرۆنا لە جیهاندا دادەنرێت.

7306 جار خوێندراوەتەوە