دواى حەوت ساڵ لە نەبوونى پرۆژە یاساى بودجەى هەرێم، لەسەر دەستى وەزیرى دارایى و ئابورى پرۆژە یاساى بودجەى ساڵى (2021) ئامادە کراو رەوانەى ئەنجومەنى وەزیران کرا.

سەرچاوەیەک لەوەزارەتی دارایی بە دیجیتاڵ میدیای (KNN) ى راگەیاند، دوای حەوت ساڵ لەنەبوونی بودجە بەئیمزای ئاوات شێخ جەناب وەزیرى دارایى وئابورى حکومەتى هەرێم، پڕۆژەیاسای بودجەی ساڵی (2021) گەیشتە ئەنجومەنی وەزیران.

ئەو سەرچاوەیە وتی:" بڕیارە هەفتەی داهاتوو لەکۆبونەوەی ئەنجومەنی وەزیراندا گفتوگۆی لەبارەى بڕی داهات و خەرجی خەمڵێندراوی بودجە بکرێت، پاشان رەوانەی پەرلەمان بکرێت  بۆ ئەوەى گفتوگۆى لەبارەوە بکرێت و پاشان دەنگى لەسەر بدرێت".

لەگەڵ سەرهەڵدانی شەڕی داعش دابەزینی نرخی نەوت وبڕینی بەشە بودجەی هەرێمی کوردستان لەساڵی (2014)، حکومەتی هەرێم پرۆژەیاسای بودجەی ئامادە نەکردوە.