نرخی نەوت لە بازاڕەکانی جیهان نزیکدەبێتەوە لە (70) دۆلار

KNN : Kurdish News Network
08:57 - 05/05/2021
ئابوری

ئەمڕۆ چوارشەممە (5ی ئایارى 2021)، نرخی یەک بەرمیل نەوتی خاوی برێنت لە بازاڕەکانی جیهاندا بە (69) دۆلار و (51) سەنت مامەڵەی پێوەکراوە.

 
بەرمیلێک نەوتی خاوی ئەمەریکیش (تەکساس) بە (66) دۆلار و (30) سەنت مامەڵەی پێوەکراوە.

ئەوە لە کاتێکدایە لە سەرەتای ساڵی (2021) ەوە نرخی نەوت بەردەوامە لە بەرزبونەوە بەجۆرێک نرخی یەک بەرمیل نەوت (70) دۆلاری تێپەڕاند، هاوکات ساڵی رابردوو نرخی یەک بەرمیل نەوتی خاوی برێنت بە کەمتر لە (20) دۆلار مامەڵەی پێوەکراو، بەڵام ئەو رێوشوێنانەی لەسەر ئاستی جیهان بۆ روبەروبونەوەی کۆرۆنا گیراوەتەبەر، بەتایبەت بەدەستخستنی ڤاکسینی کۆرۆنا و سیاسەتی وڵاتانی ئۆپیک پڵەس و پابەندبون بە کەمکردنەوەی ئاستی هەناردەکردن و دوبارە دەستکردنەوە بە پیشەسازی، هۆکاری بەرزبونەوەی نرخی نەوتن لە جیهاندا.

458 جار خوێندراوەتەوە