دەسەڵاتى فڕۆکەوانى مەدەنى
عێراق رایگەیاند: ئەمڕۆ یەکەم گەشتى هێتنانەوەى عێراقییەکان لە هیندستانەوە دەستى
پێکردوە، پڕۆسەکەش بەردەوام دەبێت.
لە راگەیەنراوێکدا، دەسەڵاتى فڕۆکەوانى مەدەنى
عێراق رایگەیاند: ئەمڕۆ (3ى ئایار)، یەکەم گەشتى گەڕاندنەوەى ئەو هاوڵاتیییە
عێراقییانەى لە هیندستان بەهۆى تەشەنەکردنى ڤایرۆسى کۆرۆنا گیریانخواردبوو دەستى
پێکرد.
دەشڵێت: چەند گەشتێکى دیکە ئەنجام دەدرێت
بەمەبەستى گەڕاندنەوەى هاوڵاتیانى عێراق لە هیندستان.
ئەوە لە کاتێکدا، بەهۆى بڵاوبونەوە و
تەشەنەکردنى ڤایرۆسى کۆرۆناى هیندى لە هیندستان، رۆۆژى (27)ى نیسانى رابردوو،
عێراق سەرجەم گەشتەکانى هاتن و چونى بەڕوى هیندستاندا داخست.
پێشتر سەرۆک وەزیرانى عێراق، لایەنە
پەیوەندیدارەکانى راسپاردبوو بۆ گرتنەبەرى رێکارى بەپەلە بەمەبەستى گەڕاندنەوەى
ئەو هاوڵاتییە عێراقییانەى لە هیندستان گیریانخواردبوو.
447 جار خوێندراوەتەوە