کاتەکانى بەڕۆژوبون لە وڵاتان بزانە

KNN : Kurdish News Network
08:40 - 17/04/2021
هەمەڕەنگ

كاتژمێرەكانی رۆژووگرتن لە وڵاتانی جیهان بەپێی شوێنی جوگرافی لە شوێنێكەوە بۆ شوێنێكی دیكە دەگۆڕێت و بەجۆرێك موسڵمانانی هەندێك وڵات ماوەكەیان كورتە و نزیكەی 13 كاتژمێر بەڕۆژوو دەبن، بەڵام لە هەندێك وڵاتی دیكە ماوەی بەڕۆژوو بوون دەگاتە زیاتر لە (23) كاتژمێر.

هۆكاری ئەو جیاوازە دەگەڕێتەوە بۆ ساتەكانی خۆرئاوابوون و خۆر هەڵهاتن، كە كاتەكاتی بانگی ئێوارە و بەیانی لەسەر دانراوە، ئەوەش نەك لەنێوان وڵاتەكاندا، بەڵكو لە شار و ناوچەكانی ناو وڵاتێكی دیاریكراویشدا دەگۆڕێت.

ئەو وڵاتانەی دەكەونە نیوەی باكوری گۆی زەوی كاتژمێرەكانی بەڕوژووبوون تێیاندا زۆرە، بەپێچەوانەوە تابەرەو نیوەی باشور بڕۆین كاتەكە كەمدەبێتەوە.

لە عێراق و هەرێمی كوردستان لەسەرەتای مانگی رەمەزاندا هاوڵاتیان نزیكەی (14) كاتژمێر و نیو بەڕۆژوو دەبن، بەتێپەڕبونی مانگەكەش كاتەكە درێژ دەبێتەوە و لە كۆتاییەكەیدا دەگاتە (15) كاتژمێر و (30) خولەك.

بەپێی هەواڵێكی گۆڤاری فۆربسی رۆژهەڵاتی ناوەڕاست، زۆرترین ماوەی رۆژووگرتن لە ئەوروپایە و بە دیاریكراویش لە وڵاتی فیلەندا كە موسڵمانان (23) كاتژمێر و پێنج خولەك بەڕۆژوو دەبن، بەدواشیدا وڵاتانی سوید و نەرویژ دێت كە زیاتر لە (22) كاتژمێر رۆژوودەگرن، لە روسیاش ماوەكەی نزیكەی (20) كاتژمێرە.

كەمترین ماوەی بەڕۆژبوون لە وڵاتێكی موسڵمانە لە دوورگەكانی قەمەرە، لەسەرەتای مانگەكەدا ماوەی بەڕۆژوبوون نزیكەی (13) كاتژمێر و (12) خولەكە، بە نزیكبونەوە لە كۆتای ڕەمەزان كەمدەبێتەوە بۆ (12) كاتژمێر و(59) خولەك.

ئوستورالیا كوترین ماوەی ڕۆژگرتنی تێدایە كە دەگاتە (11) كاتژمێر و (59) خولەكە، بەدواشیدا ئەرجەنتین دێت كە موسوڵمانان (12) كاتژمێر و (23) خولەك و چیلی (12) كاتژمێر و (41) خولەك بەڕۆژوو دەبن.

698 جار خوێندراوەتەوە