لە نەینەوا بارەگایەکی حەشدی شەعبی بۆردوومانکرا

KNN : Kurdish News Network
11:14 - 15/04/2021
عێراق

بارەگای لیوایەکی حەشدی شەعبی لە سنووری نەینەوا بۆردوومانکرا و ژمارەیەک چەکداری حەشد برینداربوون.

 

ئەمڕۆ پێنجشەممە، بارەگای لیوای (30) حەشدی شەعبی لە ناوچەی باسەخرە-ی سەر بە شارۆچکەی بەرتلە مووشەکباران کرا و بەهۆیەوە ژمارەیەک چەکداری حەشدی شەعبی برینداربوون، کە هەندێک لەسەرچاوەکان باس لە برینداربوونی دوو چەکداری حەشد دەکەن.

 

هاوکات رەفعەت سمۆ، یاریدەدەری پارێزگاری نەینەوا راگەیاند، بەپێی زانیارییەکان بارەگایەکی لیوای30ی حەشدی شەعبی بۆردوومانکراوە و دوو چەکداری لیواکە برینداربوون. 

هەرچەندە تا ئێستا، وردەکاریی زیاتر لەبارەی بۆردوومانەکە ئاشکرا نەکراوە، بەڵام لێکۆڵینەوە لە روداوەکە بەردەوامە.

668 جار خوێندراوەتەوە