دانیمارک بوو بەیەکەم وڵاتى ئەوروپى کە بەکارهێنانى ڤاکسینى ئەسترازینیکا هەڵپەسێرێت، ئەوەش بەهۆى هەبوونى کاریگەرییە لاوەکییەکانى ڤاگسینەکە لەسەر بەکارهێنەرانى.

ئەمڕۆ چوارشەممە، سۆرن برۆسترۆم بەڕێوەبەرى دەستەى تەندروستى دانيمارك رایگەیاند: هەڵمەتى وەرگرتنى ڤاکسین لەلایەن هاوڵاتیانمانەوە بەردەوامى هەیە، بەڵام لەمەودوا ڤاکسینى ئەسترازینیکا بەکارناهێنین.

 بە وتەى سۆرن، تەندروستى دانیمارک گومانى هەیە لەسەر کاریگەرییە لاوەکییەکانى ڤاکسینەکە، سەرەڕاى ئەوەى کاریگەرییەکانیشى دەگمەنن و مەترسیدارن. 

وەستاندنى بەکارهێنانى ڤاکسینى ئەسترازینیکا لە دانیمارک لە کاتیکدایە، پێشتر تەندروستى جیهانى و دەستەى دەرمانى ئەوروپى، گڵۆچى سەوزیان بۆ بەکارهێنانى ڤاکسینەکە هەڵکرد.