عێراق؛ دەوامى چەند قۆناغێکى خوێندن دەستپێدەکاتەوە

KNN : Kurdish News Network
05:50 - 12/04/2021
عێراق

لیژنەى باڵاى تەندروستى و سەلامەتى نیشتیمانى عێراق شێوازى قەدەغەى هاتوچۆى لەمانگى رەمەزاندا دیارى کرد، هاوکات لەبارەى کردنەوەى دەرگاى خوێندنگەکانیش بریاریدا.

بەپێى راگەیەنراوێکى لیژنەى باڵاى تەندورستى و سەلامەتى نیشتیمانى عێراق، لەمانگى رەمەزاندا لە کاتژمێر هەشتى شەو بۆ کاتژمێر پێنجى بەیانى قەدەغەى هاتوچۆ دەبێت، هەروەها رۆژانى هەینى و شەممە قەدەغەى هاتوچۆى تەواو دەبێت، بەڵام دەرمانخانە و  شوێنەکانى فرۆشتنى سەوزە و میوە و خۆراک و نانەواخانە و سەمونخانەکان تاکو کاتژمێر حەوتى ئێوارە کراوە دەبن.

لیژنەى باڵاى تەندروستى سەلامەتى نیشتیمانى عێراق بڕیاریداوە دەوامى خوێنکارانى پۆلى یەکەم و دووەم سێیەمى سەرەتایى و پۆلە کۆتاکایش لە خوێندنگەکان دەستپێبکاتەوە.

بەپێى راگەیەنراوەکە، لە مانگى رەمەزاندا دەوامى دامەزراوە حکومییەکانییش یەک کاتژمێر کەم دەکرێتەوە.

736 جار خوێندراوەتەوە