داوادەکرێت هاوکارییە داراییەکانی ئەمەریکا بۆ هێزەکانی پێشمەرگە بێ جیاوازی بێت

KNN : Kurdish News Network
05:52 - 23/02/2021
کوردستان

وەزارەتی پێشمەرگەی حکومەتی هەرێم داوا دەکات موچە و شایستە داراییەکانی ئەمەریکا تەواوی هێزەکانیان بە بێ جیاوازی بگرێتەوە.

 

شۆڕش ئیسماعیل وەزیری پێشمەرگەی حکومەتی هەرێم لە میانی کۆبونەوەی لەگەڵ وه‌فدێكی باڵای راوێژكارانی سه‌ربازی ئه‌مریكا و ، به‌رپرسی نوسینگه‌ی هه‌ماهه‌نگی ئه‌منی له‌ عێراق و به‌رپرسی نوسینگه‌ی هه‌رێمی كوردستان رایگەیاند، پێویستە مووچە و شایستە داراییەکانی ئه‌مریكا سه‌رجه‌م هێزی پێشمه‌رگه‌ بگرێته‌وه، به‌جۆرێك ره‌چاوی یه‌كسانی و دادپه‌روه‌ری له‌ دابه‌شكردنی مووچه‌دا هه‌بێت بۆ سەرجەم هێزەکانی بەبێ جیاوازی‌.

وتیشی، "چه‌ندین جارهۆشداریمان له‌باره‌ی مه‌ترسیه‌كانی داعش داوه‌، كه‌ ئێستا به‌تاكتیك و شێوازی تر كرده‌وه‌ تیرۆریستیه‌كان ئه‌نجامده‌ده‌ن، و هاوكارییه‌كانی ئه‌مریكا و هاوپه‌یمانان بایه‌خی زۆری  بۆ روبه‌ڕوبونه‌وه‌ی مه‌ترسییه‌كانی تیرۆریستان له‌ ئێستا و ئاینده‌دا دەبێت.


هەر لە کۆبونەوەکەدا بڕیادرا قۆناغی هه‌مه‌هانگی و پێكه‌وه‌ كاركردنی هێزه‌كانی هاوپه‌یمانان، هێزی پێشمه‌رگه‌ و سوپای عێراق زیاتر په‌ره‌ی پێبدرێت و هه‌وڵه‌كانیش به‌ئاراسته‌ی بنبڕ كردن و تێكشكانی تیرۆریستان بێت.

597 جار خوێندراوەتەوە