روداوێکى قورسى هاتوچۆ سێ قوربانى لێکەوتەوە

KNN : Kurdish News Network
12:20 - 14/01/2021
کوردستان

روداوێكی هاتوچۆ گیانله‌ده‌ستدانی كه‌سێك و برینداربوونی دو كه‌سی دیكه‌ی لێكه‌وته‌وه‌.

ئه‌مڕۆ پێنجشه‌ممه‌، له ‌ئه‌نجامی روداوێكی هاتوچۆ له‌سنوری قه‌زای پێنجوێن، كه‌سێك گیانی له‌ده‌ستدا و دوو كه‌سی دیكه‌ش برینداربوون.

موقه‌ده‌م هاشم عه‌بدوڵا به‌ڕێوه‌به‌ری هاتوچۆی پێنجوێن، رایگەیاند: له‌ئه‌نجامی روداوێكی هاتوچۆ له‌نێوان دوو ئۆتۆمبێل، له‌سه‌ر رێگای نێوان (پێنجوێن- سلێمانی) نزیك گوندی كانی مانگ، كه‌سێك گیانی له‌ده‌ستدا و دو كه‌سی دیكه‌ش برینداربوو.

وتیشی، "هێڵكاری هاتوچۆ بۆ شه‌قامه‌كه‌ به‌مه‌به‌ستی ده‌رخستنی هۆكاری سه‌ره‌كی روداوه‌كه‌ كراوه‌".

452 جار خوێندراوەتەوە