هێرشە ئاسمانیەکەى بەرەبەیانى ئەمڕۆى ئیسرائیل بۆسەرناوچە سنورییەکانى نێوان عێراق و سوریا کوژرانى (40) سەربازى سورى و چەکدارى میلیشیاکانى نزیک لە ئێرانى لێکەوتەوە.

رامى عەبدولرەحمان، بەرێوەبەرى روانگەى سوریا بۆمافەکانى مرۆڤ بە تۆڕى سکاى نیوزى راگەیاندوە، هێرشە ئاسمانیەکەى ئیسرائیل بۆسەر چەند بنکەیەکى سەربازى و کۆگاى چەک و تەقەمەنى لە ڕۆژهەڵات و باشورى سوریا (40) کوژراوى لێکەوتوەتەوە، لەو ژەماریەش (9)یان سەربازى سوریا بوون و ئەوانى دیکە چەکدارى ئەو ملیشیایانە بوون کە پشتوانى لە حکومەتى سوریا دەکەن.

بەپێى وتەکانى بەڕێوبەرى روانگەى سوریا، فرۆکە جەنگیەکانى ئیسرائیل (18)  گوزرى سەربازى ئاراستەى ناوچەکانى دێرزور و ئەلبوکەمال کردوە کە دەکەونە نزیک سنورەکانى عێراق.

لاى خۆشیەوە ئاژانسى هەواڵى فەرمى سوریا (سانا)، هەواڵەکەى پشتڕاستکردوتەوە و ئاشکراى کردوە، هێرشەکە کاتژمێر یەک و (10) خولەکى بەرەبەیانى ئەمڕۆ ئەنجام دراوە، بەڵام هیچ زانیاریەکى لەبارەى زیانەکان  ئاشکرا نەکردوە.