بڕیارە ئەمڕۆ، لە کۆشکى کرملین لە مۆسکۆى پایتەخت، روسیا و ئازەربایجان و ئەرمینیا کۆببنەوە و پرسى رێککەوتن و دواین گۆڕانکارییەکان تاوتوێ بکەن.

بە دەستپێخەرى ڤلادمێر پۆتین، سەرۆکى روسیا ئەمڕۆ لە مۆسکۆ کۆبونەوە لە نێوان ( ڤلادمێر پۆتین سەرۆکى روسیا، ئیلهام عەلیێڤ سەرۆککۆمارى ئازەربایجان، نیکۆڵ پاشینیان سەرۆک وەزیرانى ئەرمینیا) بەڕێوەبچێت.

بەگوێرەى ڕاگەیەنراوێکى کۆشکى کرملین لە کۆبونەوەکەدا، دواین گۆڕانکارییەکان لە بارەى جێبەجێکردنى رێککەوتنەکەى نێوان باکۆ و یەریڤان لە بارەى هەرێمى ناگۆن قەرەباغ تاوتوێ دەکرێت.

لە تشرینى دووەمى ساڵى رابردو، بە نێوەندگیرى و دەستپێشخەرى مۆسکۆ، دانوستان و ئاگربەست لە نێوان ئازەربایجان و ئەرمینیا راگەیەنراو هەردو لایەنى شەڕکەر کردە سەربازییەکانیان دژ بە یەک راگرت، بەڵام ناوە ناوە ئاگربەست دەشکێنرا و هەردولاش یەکتریان تۆمەتبار دەکرد.

دواى ئاگربەست و بەپێى رێککەوتنەکە، ئازەر بایجان هەرسێ شارى ( ئاگدام و لاچین و کڵجڵا)ى لە هەرێمى قەرەباغ وەرگرتەوە.

لەئێستادا جەنگی ناگۆرنۆ قەرەباغ کۆتایهاتوەو ئاگربەست و ئاشتی راگەیەندراوە، بەڵام واقیعی جەنگەکە ئەوەی هێناوەتە گۆڕێ کە ئازەربایجان لەم جەنگەدا تارادەیەک توانی تۆڵەی شکستەکەی جەنگی ساڵی (1994) بکاتەوە سەرکەوتوبێت، بەڵام لەگەڵ ئەوەشدا هێشتا ناکۆکی و ململانێی دێرینی نێوان ئەرمینیا و ئازەربایجان کۆتایی نەهاتوەو بەردەوامە.