ترەمپ داواى ئاشتى دەکات و دەڵێت: ئیدارەى نوێى ئەمەریکا لە (20)ى ئەم مانگەدا دەستبەکار دەبێت.

دۆناڵد ترەمپ سەرۆکى ئەمەریکا لە تۆمارێکى ڤیدیۆییدا کە لە تۆڕى کۆمەڵایەتى تویتەر بڵاویکردوەتەوە، دەڵێت: ئیدارەى نوێى سەرۆکایەتى ئەمەریکا لە رۆژى (20/1/2021) سوێندى یاسایى دەخۆن و دەستبەکاردەبن، تیشک دەخەینە سەر ئەوەى گواستنەوەی دەسەڵات بەشێوەیەکی هێمنانە و رێکخراو و بێ کۆسپ بەڕێوەبچێت، ئەم ساتە پێویستی بە ئاشتەوایی هەیە.

ئەم قسانەى ترەمپ دواى ئەوەدێت، کە رۆژى چوارشەممە (6/1/2021) ژمارەیەک لە لایەنگرانى هەڵیانکوتایە سەر بینای کۆنگرێس و پشێوی رویدا.

دوێنێش کۆنگرێسى ئەمەریکا بەردەوامى بە کۆبونەوەکەیدا تایبەت بە پەسەندکردنی ئەنجامی هەڵبژاردنەکانی ئەمەریکا و لە کۆی (535) ئەندامی کۆنگرێس بە دەنگی (306) ئەندام، جۆ بایدن وەک براوەی هەڵبژاردنەکانی ئەمەریکا پەسەندکرا و بە سەرۆکی داهاتوی ئەمەریکا دیاریکرا.