مستەفا کازمى بەغداى بەرەو پاریس بەجێهێشت

04:43 - 18/10/2020
عێراق

مستەفا کازمى سەرۆک وەزیرانى عێراق سەردانەکەى بۆ ژمارەیەک وڵاتى ئەوروپا دەستپێکرد.

بەپێى راگەیەنراوێکى نوسینگەکەى، سەرۆک وەزیرانى عێراق بەغداى جێهشتوە و بەرەو پاریسى پایتەختى فەرەنسا بەرێکەوتوە، بڕیاریشە لەدواى فەرەنسا سەردانى هەریەک لەبەریتانیا و ئەڵمانیا بکات.

نوسینگەى سەرۆک وەزیرانى عێراق رایگەیاندوە، ژمارەیەک وەزیر و سەرۆکى دەستە سەربەخۆکان یاوەرى مستەفاکازمى دەکەن، لەمیانى سەردانەکەشیدا لەگەڵ بەرپرسانى وڵاتانى خانەخوێ کۆدەبێتەوە و گەشەپێدانى پەیوەندى و هەماهەنگى نێوان عێراق لەگەڵ بەریتانیا و فەرەنسا و ئەڵمانیا بەتایبەتى لەبوارەکانى ئەمنى وئابورى و تەندروستى، تەوەرى سەرەکى کۆبونەوە و چاوپێکەوتنەکانى دەبێت.

386 جار خوێندراوەتەوە