لیژنەی خەڵاتی نۆبڵ لەئۆسلۆ رایگەیاند، براوەی خەڵاتی ئەمساڵی نۆبڵی ئاشتی بۆ ئەمساڵی (2020) بەرنامەی خۆراکی جیهانییە.(WFP).

 بەگوێرەی هەواڵێکی (DW)-ی ئەڵمانی، ئەمڕۆ هەینی لەئۆسلۆی پایتەختی نەرویج خەڵاتی نۆبڵی ئاشتر بەخشرایە بەرنامەی خۆراکی جیهانی کە گەورەترین دامەزراوەی مرۆیی رێکخراوی نەتەوە یەکگرتوەکان و بەدوای چارەسەرکردنی پرسەکانی برسێتی و باشترکردنی ئاسایشی خۆراکەوەیە لەجیهاندا.

بەخشینی خەڵاتەکە، لە پای هەوڵەکانی پرۆگرامی خۆراکی جیهانیی بوە، بۆ رێگرییکردن لە بەکارهێنانی خۆراک وەک چەکێک لە ناوچەکانی شەڕ و ململانێدا.

بە بەرنامەی خۆراکی جیهانییەوە، تائێستا 25 رێکخراو خەڵاتی نۆبڵیان پێدراوە لەو 101 خەڵاتەی کە لەساڵی 1901-ەوە دابەشکراوە.