زانیارییەك بۆ خانمان، ئەم خواردنانە لە شێرپەنجەی مەمك دەتانپارێزێت

02:17 - 31/08/2020
تەندروستی

شێرپەنجەی مەمك یەكێكە لە نەخۆشییە بڵاوەكانی جیهان و ساڵانە سەدان هەزار  توشبووی نوێ و هەزاران حاڵەتی مردن لەنێو ژناندا تۆمار دادەنرێت، بۆ كەمكردنەوەی ئەو ڕێژەیەش پسپۆڕەكان چەندین توێژینەوەیان لەسەر ئەنجامداوە.

 

 
بەپێی ئەنجامی توێژینەوەیەكی ئەمریكی خواردنی چەند خۆراكێك، سودێكی زۆریان بۆ جەستەی ژنان هەیە و ئەگەری توشبوون بە شێرپەنجەی مەمك كەمدەكەنەوە.

 

یەكێك لەو خۆراكانەی لەتوێژینەوەكەدا باسكراوە، ئەوسەوزانەیە كە بڕێكی زۆر كارۆی تنۆید لەپێكهاتەكەیاندا وەك پەتاتە و گێزەر و كولەكە و ئەو سەوزانەی كە ڕەنگی گەڵاكانیان تۆخە، بە خواردنیان سودێكی زۆر بە جەستە دەكات و چالاكی خانە شێرپەنجەییەكانی مەمك كەمدەبێتەوە.

 

ماسی سەلەمون خواردنێكی دیكە پڕ سودە، ئەوەش بەهۆی دەوڵەمەندی بە ترشە چەوری ئۆمیگا سێ كە دەبێتە هۆی كەمكردنەوەی ئەگەری توشبوون بە شێرپەنجەی مەمك بە ڕێژەی %14، بۆیە باشترە هەفتانە دووجار ئەو خۆراكە لە ژەمەكاندا بونی هەبێت.
توێژەرەكان ئاماژەیان بەوە كردووە، میوەكان بەهەمان شێوەی سودێكی زۆریان بۆ تەندروستی مەمك هەیە تایبەت هەنار، بەو پێیەی ترشی ئەبلاگیچی تێدایە كە دەردانی هۆرمۆنی ئەسترۆجین كەمدەكاتەوە، كە بە یەكێك لە هۆكارەكانی توشبوون بە شێرپەنجەی مەمك دادەنرێت.

 

هەروەها خواردنی قارچك بەشێوەیەكی بەردەوام ئەگەری توشبوون بەو جۆرەی شێرپەنجە بە ڕێژەی %70 كەمدەكاتەوە، بە تایبەت ئەگەر بەشێوەیەكی ڕۆژانە بخورێت.

 

دەربارەی خواردنەوەكانیش پسپۆڕەكان ئاشكرای دەكەن، چا بەتایبەت چای سەوز، ڕێگرە لە گەشەی خانە شێرپەنجەییەكان لەش، بەتایبەت ئەوانەی لە مەمكدا چالاك دەبن.

401 جار خوێندراوەتەوە