بەریتانیا شەش ملیۆن دۆلار هاوکاری پێشکەشی لوبنان دەکات

09:01 - 06/08/2020
جیهان

دوای پەیوەندییە تەلەفونییەکەی لەگەڵ سەرۆک وەزیری لوبنان، وەزیری دەرەوەی بەڕیتانیا دۆمێنیک ڕاب رایگەیاند، بەڕیتانیا بە بڕی (6.6) ملیۆن دۆلار یارمەتی پێشکەشی لوبنان دەکات.

 

 
ڕاب وتی " لە کاتی پێویستیدا لەپاڵ گەلی لوبناندا دەوەستین، بەخێرایی وەڵام دەدەینەوە و یارمەتیان دەدەین، گەڕان و فریاکەوتن و یارمەتیە مرۆیی و تەندروستیەکان لەگەڵ ئەو 6.6 ملیۆن دۆلارەدا پێشکەشی ئەو وڵاتە دەکرێت."

 

وتیشی " ئەوەی گرنگە لەم کاتەدا ئەوەیە پشتیوانیەکەمان تایبەتە بەو پێویستیە دیاریکراوانەی کە هەر ئێستا سەرۆک وەزیری لوبنان باسی لێوەکرد."

 

ڕاب وتیشی تاوەکو ئێستا بەدیاریکراوی ژمارەی ئەو هاوڵاتیە بەڕیتانیانەی کە لە تەقینەوەکەدا بریندار بوون یاخود گیانیان لەدەستداوە پشتڕاست نەکراوەتەوە.

245 جار خوێندراوەتەوە