وەزارەتى تەندروستى عێراق، راپۆرتى رۆژانەى پەتاى کۆرۆناى بڵاوکردەوە و ژمارەى تووشبووان زیادیکرد.

بەپێى راپۆرتەکە، لە ٢٤ کاتژمێرى رابردوودا ٣ هەزار و ٣٤٦ حاڵەتى نوێى تووشبوون بە کۆرۆنا تۆمارکراوە.

لە ماوەى ٢٤ کاتژمێرى رابردوودا ٧٠ هەڵگرى ڤایرۆسەکە گیانیان لەدەستداوە، ئەوەش زیاترە لە رۆژانى رابردوو.

 هاوکات هەزار و ٨٨٨ هەڵگرى ڤایرۆسەکە چاکبوونەتەوە.

بەراورد بە راگەیەندراوەکانى چەند رۆژى رابردوو، تووشبوون و مردن بە کۆرۆنا زیادیانکردوە و چاکبوونەوەش کەمیکردووە.

بەپێى راپۆرتى دوێنێ پێنجشەممە، دوو هەزار و ٩٦٣ کەس تووشى کۆرۆنا بوو بوون و ٦٨ هەڵگریش گیانیان لەدەستدابوو، هاوکات دوو هەزار و ٨٥ هەڵگرى ڤایرۆسەکە چاکبوونەتەوە.