پارێزگاری هەولێر رایگەیاند، سبەینێ لە کاتژمێر شەشی ئێوارە بەدواوە بازار و شوێنە گشتییەکان دەکەنەوە.

فەرسەت سۆفی پارێزگاری هەولێر لە کۆنگرەیەکی ڕۆژنامەوانیدا رایگەیاند، ڕێنماییەکانی کردنەوەی بازاڕ و نۆرینگەکان توندتر دەکەن، بۆیە داوا لە خەلک دەکەن خۆیان لە مەترسییەکانی ڤایرۆسی کۆرۆنا بپارێزن.

ئاماژەی بەوەش کرد، لە سبەینێوە کارئاسانی بۆ ژیان و گوزاەرانی هاوڵاتیان دەکەن.

ئەوەش لە کاتێکدایە، ئەمڕۆ دوای کۆبونەوەی وەزیرانی ناوخۆ و تەندروستی لەگەڵ پارێزگاری شارەکانی هەرێم، رێبەر ئەحمەد وەزیری ناوخۆی حکومەتی هەرێم لە کۆنگرەیەکی رۆژنامەوانیدا ڕایگەیاند،دەسەڵاتیان داوەتە پارێزگاری شارەکان بۆ ئەوەی هەندێک ئاسانکاری بۆ هاوڵاتیان و ژیان وگوزەرانیان بکەن.