وەزارەتى نەوتى عێراق کۆى فرۆش و داهاتى نەوتى مانگى رابردوى بڵاوکردەوە و رایگەیاند، داهاتى نەوتى عێراق لە مانگى ئایاردا (2) ملیار و (91) ملیۆن دۆلار بووە.

 عاسم جیهاد وتەبێژى وەزارەتى نەوتى عێراق لەبەیاننامەیەکدا رایگەیاند، حکومەتى عێراق زیاتر لە (99) ملیۆن بەرمیلى لە مانگى رابردودا هەناردە کردووە و نرخى یەک  بەرمیلیش (21) دۆلار بووە.

ئاماژەى بەوەشکردووە، (3) ملیۆن و (454) هەزار و (431) بەرمیل لە کێڵگە نەوتییەکانى کەرکوک فرۆشراوە و (96) ملیۆن و(39) هەزار و (852) بەرمیلیش بەرهەمى کێڵگەکانى ناوەراست و خواروى عێراق بوون.

وتەبێژى وەزارەتى نەوتى عێراق ئاشکراشیکرد، بە تێکڕایى رۆژانە عێراق (3) ملیۆن و (212) هەزار بەرمیلى هەناردە کردووە و لە بەندەرى جەیهان رۆژانە (114) هەزار بەرمیل هەناردە کراوە.