بەرپرسی سیاسەتی دەرەوەی یەکێتی ئەوروپا داوا لە چین دەکات چالاکانە بەشدار بێت لە بەرەنگاربونەوەی ڤایرۆسی کۆرۆنا، دەشڵێت: پێویستە لێکۆڵینەوەیەکی سەربەخۆ بکرێت لەسەر سەرچاوەی پەرەسەندنی ڤایرۆسەکە.

جۆزێپ بۆڕێڵ بەرپرسی سیاسەتی دەرەوەی یەکێتی ئەوروپا رایدەگەیەنێت، دەبێت چین کاربکات بۆ یارمەتیدان لە پاراستنی جیهان و زۆر پێویستیشە لێکۆڵینەوەیەکی زانستی سەربەخۆ بکرێت لەسەر سەرچاوەی پەرەسەندنی ئەم ڤایرۆسى کۆرۆنا.

ئەو بەرپرسەى یەکێتى ئەوروپا ئەوە دەخاتەڕوو، کە پێویستە لەسەر چین هەست بە بەرپرسیارێتی بکات لە بەرپەرچدانەوەی ڤایرۆسەکە و بەشوێن پێکوتەدا بگەڕێت، هاوکات پشتیوانی لە ئابوری جیهان بکات و ڕۆڵی خۆی ببینێت لە هەوڵەکان بۆ کەمکردنەوەی قەرزەکانی سەر ئەو وڵاتانەی کە بەهۆی ڤایرۆسەکەوە زۆرترین زیانیان بەرکەوتوە.