ددانەكان یەكێكن لە بەشە گرنگەكان لەشی هەر مرۆڤێك كە پێویستیان بە چاودێری و گرنگی پێدانێكی بەردەوام هەیە، بۆ ئەوەی پارێزراوبن لەئەگەری توشبوون بە كێشە تەندروستییەكان و ناشیرین و بوون گۆڕانی ڕەنگیان.

 

 

 یەكێك لە كێشانەی كەسانێكی زۆری پێوەی گیرۆدەبوون، زەربون و گۆڕانی ڕەنگی ددانەكە، كە كاریگەری لەسەر شێوە و ڕوخساری كەسەكە و تێڕوانی كەسانی دەوروبەر هەیە، بۆیە هەمووان هەمیشە لە هەوڵی ئەوەدان ددانەكانیان بە جوانترین و پاكترین دەربكەوێت.

 

پسپۆڕانی ددان باس لەوە دەكەن، بۆ سپیكردنەوەی ددان دەبێت لەسەرەتادا هۆكاری زەردبون و گۆڕانی ڕەنگیان بزانرێت، یەكێك لە هۆكارە سەرەكییەكان خراپی سیستمی خۆراكی، بەتایبەت گرنگیدان بە چەند جۆرێكی خواردنەوەكان وەك قاوە و شەربەت و خواردنەوە شیرینەكانی دیكە، هەروەها ئەو خواردنانەی بڕێكی زۆر بەهارات دەكرێتە پێكهاتەكەیانەوە.

 

جگەرەكێشان هۆكارێكی دیكەیە زەردبونی ددان و دروستبونی پەڵەیە لەسەر، لابردنی و سپیكردنەوەی بۆ ددانی كەسانی جگەرەكێش ئاسان نییە، بەتایبەت ئەگەر لە جگەرەكێشان بەردەوام بێت، بەڵام وازهێنان دووركەوتنەوە لە جگەرە بەپێی كات و خاوێنكردنەوە و گرنگیدان، كاریگەری لەسەر گۆڕان و سپیبونەوەی ددان دەبێت.

 

هۆكارێكی دیكە بۆ تێكچونی ڕەنگی ددان بەكارهێنان چەند جۆرێكی دەرمان و چارەسەری پزیكشییە، لەوانە چارەسەری كیمیاوی بۆ نەخشانی شێرپەنجە، هەروەها دەرمانی ڕەبۆ و بەرزی فشاری خوێن، ئەمە جگە لەوەی گرنگینەدان بە خاوێنی ناو دەم و ددانەكان، بەڵام بە بەكارهێنانی فڵچە و هەویری ددان كە ماددەی فلۆرایدی تێدابێت،دەكرێت تەندروستی ناو دەم و خاوێنی ددانەكان ڕابگیرێت.

 

پسپۆڕِان باسیان لە چەند ڕێگایەك كردووە كە ددانەكان وەك بەفر سپی دەكەنەوە و خاوێن و جوانتر دەریاندەخەن لەوانە:

1-بەكارهێنانی چەند جۆرێكی زەیتەكان: دەتوانرێت زەیتی گوێزی هندی و گوڵە بەڕۆژە بخرێتە ناو دەم بۆ ماوەی نزیكەی 15 خولەك غەرغەرەی پێبكرێت، ئەوەش دەبێتە هۆی سپیكردنەوەی ددان و گوشتنی میكرۆبەكان، هەروەها لابردنی پاشماوەی خۆراك و پەڵەی سەر ددانەكان و نێوانەكانیان، بەڵام بەهیچ جۆرێك ئەو زەیتانە شوێنی فڵچە و هەویری ددانشتن ناگرنەوە بەڵكو لەپاڵیدا ئەو كاریگەرییان دەبێت و یارمەتیدەرن.

2-سۆدە: دەبێتە هۆی لابردنی پەڵە و پیسی سەر ددانەكان و كوشتنی بەكتریاكان، بەڵام ئەو كردارە بەشێوەیەكی ڕۆژانە نابێت و زیانی دەبێت، بەڵام دەبێت هەفتەی جارێك بۆ دوو جار ئەنجام بدرێت.

3-سركەی سێو: دژە بەكتریایەكی بەهێزە و یارمەتی سپیكردنەوەی ددانیش دەدات، بەڵام دەبێت زۆر بە كەمی ئەنجام بدرێت چونكە سركە هۆكارێكە بۆ خورانی مینای سەر ددان.

4-میوە: بەشێكی میوەكان تایبەتمەندێتی سپیكردنەوە ددانیان هەیە، بەتایبەت شیلك، ئەگەر سۆدەشی بخرێتە سەر ئەوا كاریگەرییەكەی زیاتر دەبێت.

7906 جار خوێندراوەتەوە