تادێت ژمارەی توشبوانی ڤایرۆسی کۆرۆنا لە جیهاندا روو لە هەڵکشانە و بەپێی دوایین ئامارەکان لە ئێستا ژمارەکە گەیشتوەتە، یەک ملیۆن و 347 هەزار و 587 کەس.

 

هاوکات ژمارەی گیانلەدەستدانەکان لە جیهاندا بەهۆی ئەو ڤایرۆسە گەیشتوەتە، 74 هەزار و 782 کەس، ئەو کەسانەشی چاکبونەتەوە و ڤایرۆسەکەیان تێپەڕاندووە گەیشتوەتە، 286 هەزار و 453 کەس.

هەرچەندە شاری ووهانی چین بە ناوەندی بڵاوبوەنەوەی ڤایرۆسەکە دادەنرێت، بەڵام لە ماوەی ڕابردوودا لیژنەی نیشتیمانی تەندروستی چین ڕایگەیاند لە 94٪ ی توشبووەکانیان چاکبوونەتەوە.

لە ئێستادا ئەمریکا پلەی یەکەمی ڕیزبەندیی ئەو وڵاتانەی گرتووە کە زۆرترین توشبووی کۆرۆنای تێدا تۆمارکراوە، لە دوای ئەویش هەریەک لە ئیسپانیا و ئیتاڵیا پلەی دووەم و سێیەمی ڕیزبەندییەکەیان گرتووە و زۆرترین ژمارەی توشبوانیان تێدا تۆمارکراو.