سبەینێ بڕیار لە سەر درێژکردنەوە یان کۆتایهاتنی قەدەغەی هاتوچۆ دەدرێت

09:39 - 28/03/2020
کوردستان

بڕیارە سبەینێ وەزیری ناوخۆی حکومەتی هەرێم، کۆبونەوەیەک لەگەڵ سەرجەم پارێزگار و سەرپەرشتیاری ئیدارە سەربەخۆکان ئەنجامبدات و بڕیار لە درێژکردنەوە یان کۆتایهاتنی قەدەغەی هاتوچۆ بدەن.

 

 

هەروەها بڕیارە سبەینێ ژوری ئۆپراسیۆنەکانی پارێزگاکان هەریەکە بە جیا کۆببنەوە و هەڵسەنگاندن بۆ دۆخی شارەکان بکەن و پێشنیاری خۆیان بۆ کۆبونەوە لەگەڵ وەزیری ناوخۆ ئامادە بکەن.

 

 

 ئەوە لەکاتێکدایە بەڕێوەبەری تەندروستی سلێمانی ڕایگەیاندوە بە بۆچونی ئەو هەتا ١٥ ی نیسان قەدەغەی هاتوچۆ بەم شێوەیە درێژبکرێتەوە سودی زۆر دەبێت.

 

 

هاوکات ئێواری ئەمڕۆ حکومەتی هەرێم پشووی سەرجەم فەرمانگە و ناوەندەکانی خوێندنی هەتا رۆژی پێنج شەممە ١٦ ی نیسان درێژکردەوە.

 

لە ماوەی ڕابردوودا وەزارەتی ناوخۆ بە چەند جارێک درێژکردنەوە بڕیاریدا هەتا رۆژی یەکی نیسان قەدەغەی هاتوچۆ لەسەرجەم شار و شارۆچەکان جێبەجێبکرێت.

5241 جار خوێندراوەتەوە