سەرجەم ڕێنمایی و ئامۆژگارییەكان بۆ خۆپارێزی لە ڤایرۆسی كۆرۆنا جەخت لە گرنگی دەست شتن بە ئاو سابوون و خاوێنكردنەوەی بە جێڵی تایبەت دەكەنەوە، ئەو ڕێنماییانەش بەردەوام لەلایەن ڕێكخراوی تەندروستی جیهانی و پزیشكە پسپۆڕەكانەوە بڵاودەكرێنەوە.

پسپۆڕان ئاماژە بەوە دەكەن، ئەگەر مرۆڤ دەستی بەر كەلوپەلە جیاوازەكان كەوت، بەتایبەت ئەوانەی دەرەوەی ماڵەوە، دەست لە دەم و چاو و ڕوخساری نەدات تا دڵنیا دەبێتەوە لە شتن و خاوێنكردنەوەی دەستی، دیارترین ئەو شتانە كە لەلایەن پسپۆڕەكانەوە دیاریكراون بریتین لە:

1-     پارە، بەتایبەت دراوی ئاسن، چونكە چەندین دەست دەكات‌و ڕەنگە ڤایرۆسی كۆرۆنای لەسەر بمێنێتەوە.

2-     دەستدان لە دەسكی دەرگا و محاجەرەی پلیكانە، بەتایبەت ئەگەر لەدەرەوەی ماڵەوەبێت.

3-     دوای سواربونی تەكسی و ئامرازەكانی دیكەی گواستنەوەی گشتی.

4-     دوگمەی ئاسانسوار(مەسعەد) و پلاكی شوێنە گشتییەكان.

5-     هەر ئاژەڵێكی ماڵی و باڵندە و پەلەوەرە جیاوازەكان.

6-     مێز و كورسی و كەلوپەلەكانی دیكەی چێشتخانە.

7-     قەڵەم و هەر كەلوپەلێك كە تایبەت بێت بە كەسێكی دیكە.