وەزیری بەرگری ئەمریکا رایگەیاند، ناتۆ سەرقاڵی تاوتوێکردنی فراوانکردنی ئەرکەکانی لە عێراق دەکات.

مارک ئیسپەر لە لێدوانێکی رۆژنامەوانیدا وتی، هاوپەیمانی باکوری ئەتڵەسی (ناتۆ)، لەگەڵ دەسەڵاتدارانی بەغدا و هاوپەیمانی نێودەوڵەتی لە گفتوگۆدا دەبێت بۆ فراوانکردنی چالاکییەکانی لە عێراق.

ئاماژەی بەوەش کرد، ناتۆ رەزامەندی لەسەر چڕکردنەوەی چالاکییەکانی لە رۆژهەڵاتی ناوەڕاستیش دەربڕیوە.

دوای کوشتنی قاسم سولەیمانی و مەهدی موهەندیس لەلایەن ئەمریکاوە، پەیوەندییەکانی نێوان واشنتۆن و بەغدا گرژییان تێکەوت، دوای چەند رۆژێکیش پەرلەمانی عێراق داوای داوای لە حکومەت کرد، هێزەکانی ئەمریکا لە وڵات دەربکات.