سەرۆک کۆماری تورکیا هەڵوێستی خۆی لەسەر پرۆژەی گرێبەستی سەدە راگەیاند و دەڵێت ئەوە پرۆژەیەکی داگیرکارییە.

 ئەردۆغان لەمیانەی وتارێکدا ئاماژەی بەوەکردوە قودس بۆ فرۆشتن نیە و با هیچ کەسێکیش خەیاڵی ئەوە نەکات بڵێت شتێکیان پێ دەدەین و ئیتر شوێنەکە جێبهێڵن.

سەرۆک کۆماری تورکیا وتیشی وه‌ك گه‌لی تورك، روانینمان بۆ فه‌له‌ستین، وه‌ك روانینی  سوڵتان عه‌بدولحه‌میدە‌  وهیچ نەگۆڕاوە.

گرێبەستی سەدە کە بۆ ئاشتی لە نێوان ئیسرائیل و فەلەستین لەلایەن دۆناڵد ترەمپی سەرۆکی ئەمریکاوە راگەیندراوە،کاردانەوەی زۆری لێکەوتۆتەوە و هەتا ئێستا بەشێك لە وڵاتان رەتیدەکەنەوە و بەشێکیشیان پشتگیری دەکەن.