مەکتەبی سیاسیی پارتی دیموکراتی کوردستان، لە پەیامێکدا بەبۆنەی ١٧یەمین ساڵیادی دامەزراندنی بزووتنەوەی گۆڕان، جەخت لە گرنگیی یەکڕیزی و هەماهەنگیی نێوان سەرجەم هێز و لایەنە سیاسییەکان دەکاتەوە بۆ پاراستنی دەستکەوتە نیشتمانییەکان.
لە پەیامەکەدا کە ئەمڕۆ شەممە (٢٥ی تەممووزی ٢٠٢٦) بڵاوکراوەتەوە، مەکتەبی سیاسیی پارتی گەرمترین پیرۆزبایی ئاراستەی سەرکردایەتی، کادیران و ئەندامانی بزووتنەوەی گۆڕان کردووە، هەروەها ڕۆڵ و پێگەی بزووتنەوەکەی لە پرۆسەی سیاسیی هەرێمی کوردستاندا بەرز نرخاندووە.
هەر لە پەیامەکەدا هاتووە: "جەخت لەسەر گرنگیی یەکڕیزی، تەبایی و هەماهەنگیی نێوانمان و تەواوی هێز و لایەنە سیاسییەکانی کوردستان دەکەینەوە، بۆ ئەوەی پێکەوە پارێزگاری لە دەستکەوتە نەتەوەیی و نیشتمانییەکانمان بکەین و تەواوی مافە دەستوورییەکانمان بەدەست بهێنین." داواش دەکات، ئەندامانی بزووتنەوەکە لە خەباتی مەدەنی و ڕێکخراوەییدا لەپێناو خزمەتکردنی زیاتری دۆزی ڕەوای گەلدا بەردەوام بن.
دەقی برووسکەکەی مەکتەبی سیاسیی پارتی بۆ ساڵیادی دامەزراندنی بزووتنەوەی گۆڕان:
لە یادی حەڤدەیەمین ساڵەی ڕاگەیاندن و دامەزراندنی بزووتنەوەی گۆڕاندا، گەرمترین پیرۆزباییی خۆمان ئاراستەی بزووتنەوەکە و سەرجەم کادیر و ئەندام و لایەنگرانی دەکەین و، ئومێدەوارین لە خەباتی مەدەنی و ڕیکخراوەییدا لەپێناو خزمەتکردنی زیاتری دۆزی ڕەوای گەلەکەمان بەردەوام بن.
لەم یادەدا، پێگە و ڕۆڵی بزووتنەوەی گۆڕان لە پرۆسەی سیاسیی هەرێمی کوردستاندا بەرز دەنرخێنین.
لە هەمان کاتدا، جەخت لەسەر گرنگیی یەکڕیزی، تەبایی و هەماهەنگیی نێوانمان و تەواوی هێز و لایەنە سیاسییەکانی کوردستان دەکەینەوە، بۆ ئەوەی پێکەوە پارێزگاری لە دەستکەوتە نەتەوەیی و نیشتمانییەکانمان بکەین و، تەواوی مافە دەستوورییەکانمان بەدەست بهێنین.
جارێکی دیکە ساڵیادی دامەزراندنی بزووتنەوەی گۆڕان پیرۆز دەکەین، هیوادارین هەمیشە سەرکەوتوو بن.
مەکتەبی سیاسیی پارتی دیموکراتی کوردستان.
٢٥ـی تەمموزی ٢٠٢٦
111 جار خوێندراوەتەوە