لە شاری هەولێر، لەلایەن گەنجێکەوە تەقە لە ژمارەیەک پۆلیسی هاتوچۆکراو، بەپێی زانیارییەکانیش تەقەکەرەکە دەستگیرنەکراوە.

بەوتەی ژمارەیەک شایەتحاڵ، لە ناو بازاڕی هەولێر، دوای ئەوەی گرژی و ئاڵۆزی لە نێوان گەنجێک و ژمارەیەک پۆلیسی هاتوچۆدا دروستدەبێت، گەنجەکە تەقەدەکات، بەڵام هیچ زیانێکی گیانی لێنەکەوتۆتەوە.

ئاماژەیان بۆ ئەوەشکرد، ئەو کەسەی تەقەکانی کردووە، لە ناو ئۆتۆمبێلێکی ژمارە ئەروپیدا بووە و دوای ئەوەی باوکی چوەتە شوێنی ڕووداوەکە کوڕەکەی دەستگیرنەکراوە.