پزیشکێكی پسپۆڕ جەند هۆکارێک بڵاودەکاتەوە، کە لە زستان و کەشی سارددا دەبنە هۆی ئازاری ماسولکە و جومگە و ئەژنۆکان و جومگەی حەوز و قولەپێ.


ئەو پزیشکە پسپۆڕە باس لەوە دەکات، لە وەرزی زستان و لەکاتی سەرمادا جەستە هەولدەدات گەرمی خەزن بکات و خوێن زیاتر بڕوات بۆ دڵ و سییەکان، لەکاتی ڕوودانی ئەمەدا ئەو بۆری خوێنانەی لەپەلەکانن گرژدەبن و کەمتر خوێن دەچێت بۆیان،ئەمەش دەبێتە ھۆی ئەوەی ئەم ناوچانە سارد بن و ڕەق بن ئازار و ناڕەحەتی دروست دەکات.


یەکێکی تر لە هۆکارەکان، ئەو گۆڕانەی لە پەستانی ھەوادا ڕوودەدات دەبێتە ھۆی زیادکردنی ھەوکردن لە جومگەکان بەتایبەتی ئەو کەسانەی کە خۆیان ڕۆماتیزم و کێشەی جومگەیان هەبووە، هەروەها هەوای سارد وادەکات ماسولکەکان زووتر گەرمی وونکەن، کەئەمەش دەبێتە ھۆی گرژبوون و ڕەق بوونی ماسولکەکان، ووزەیەکی زیاتریان پێویستە بۆ ھەڵسان بە کارەکانیان کەئەمەش دەبێتە ھۆی زیادکردنی ئازار.

 ئاو پێکھاتەیەکی گرنگی لینجی نێوان جومگەکانە ،بە کەمبوونەوەی لینجی نێوان جومگەکان کەمدەکاتەوە و بەوەش ئازار و ڕەقبوون دروست دەبێت،هەندێک لە پزیشکەکان دەڵێن لەکاتی وەرزی زستاندا ، خواردنەوە گەرمەکانی وەکو : چا و قاوەو نیسکافە ، بە ڕێژەیەکی زۆر زیاتر دەخورێتەوە ، کەئەمەش ڕێژەیەکی زۆر کافایینی تێادایە کە دەبێتە ھۆی زیادکردنی ئازار لەجەستەدا.