قۆڵۆن نەخۆشییەکی درێژخایەن و بەربڵاوە و توشی نزیکەی لە ٪15 ی دانیشتوانی سەرزەوی دەبێت، کە کاریگەری لەسەر شێوازی ژیان و ئیشکردن و دەروونی مرۆڤ دەبێت.


بەڕێوەبەرایەتی گشتی تەندروستی سڵیمانی، نیشانە و هۆکارەکان و چۆنیەتی خۆپاراستنی لەو نەخۆشییە بڵاوکردۆتەوە.


نیشانەکانی نەخۆشی قۆڵۆن بریتین لە، ئازار و ناڕەحەتی سک و ئاوسان و باکردن و قەبزی یان سکچوون کەسی توشبوو کاتێک دەچێتە توالیت نیشانەکانی لەسەر زیاتر دەبن.


هۆکارەکانی توشبوون بە قۆڵۆن، زۆرجا  ترس و خەفەت و فشاری دەرونی و ناهاوسەنگی هۆڕمۆنی(سوڕی مانگانە )و ناهاوسەنگی بەکتریای گەدە، هەروەها هەستیاری بە خواردەمەنەییەکانی وەک ( پاقلەمەنییەكان ، پیواز و سیر و تیژی و توونی )  یەکێکی دیکەن لە هۆکارەکان.


بەگوێرەی ڕێنماییەکانی تەندروستی بۆ خۆپاراستن لەو نەخۆشییە پێویستە کەسی توشبوو چەند هەنگاوێک بگرێتە بەر لەوانە، دووركەوتنەوە لە هەموو ئەو خواردن و خواردنەوانەی كە دەبنە هۆی ناڕەحەتی كۆڵۆن، هەروەها هەوڵدان بۆ كەمكردنەوەی فشارە دەروونیەكان و قەلەقی و خەفەت خواردن و كەم خەوی، ئەویش لە ڕێگەی كەم خواردنەوەی ئەو خواردنەوانەی كە كافایینیان تێدایە و ڕێكخستنی ژەمە خواردنەكان و وەرزش كردن و باش خەوتن.


دورکەوەتنەوە لە کێشانی جگەرە  ونێرگەلە و خواردنەوەی بڕێکی باش ئاو، لەگەل خواردنی ئەو ماددە خۆراكیانەی دەوڵەمەندن بە فایبەر وەكو سەوزە و میوەكان.
خواردنی بەكتریای زیندوو كە بەشێوەی پاودەر و كەپسوول هەیە لە بازاڕەكاندا كە بەكتریای زیانبەخشی ڕێڕەوی هەرس لە ناو دەبەن و جێیان دەگرنەوە.


هەرکاتێک کەسێک توشی نەخۆشی قۆڵۆن بوو، پێویستە هۆکارە خۆپارێزییەکان خۆپارێزیەكان بەكاربهێنی و سەردانی پزیشك بكەات بۆ وەرگرتنی چارەسەری پێویست.