راپۆرته ڕۆژنامه‌وانیه‌كانى ئیسپانی، پێشهاتێكی نوێی له‌باره‌ی چاره‌نووسی ئێرنێستۆ ڤالڤێردیی راهێنه‌ری یانه‌ی به‌رشه‌لۆنه ئاشكرا ده‌كه‌ن.
ڕۆژنامه‌كانى ئیسپانیا ڕایده‌گه‌ێنن، كه به‌رپرسانی بلوگرانا له‌دوای دۆڕانی تیپه‌كه‌یان به ئاتلێتیكۆ مه‌درید به ئه‌نجامی 2 ـ 3 له جامی سوپه‌ری ئیسپانیادا، بڕیاریانداوه ده‌ستبه‌رداری ڤالڤێردی ببن.
سه‌رچاوه‌كانى هه‌واڵ ئه‌وه‌یان ئاشكراكردووه كه، ئۆسکار گراو به‌ڕێوه‌به‌ری جێبه‌جێکاری به‌رشه‌لۆنه و ئێریک ئه‌بیدال سکرتێری هونه‌ری، له ده‌وحه له‌گه‌ڵ چاڤی هێرناندێز کۆبوونه‌ته‌وه بۆ ئه‌وه‌ی ئه‌و ئه‌ستێره‌یه‌ی پێشووی یانه‌که رازی بكه‌ن جێگه‌ی ڤالڤێرید بگرێته‌وه.
لەو کۆبوونەوەیەدا گراو و ئەبیدال پێشنیازی ئەوەیان بۆ چاڤی کردوه لە ئێستاوە تاوەکو دوو وەرز و نیوی دیکە پۆستەکە وەربگرێت، بەڵام چاڤی هیچ وەڵامێکی یانەکەی نەداوەتەوە و لەم هەفتەیەدا چاوەڕواندەکرێت ویست و بڕیاری كۆتایی خۆی بە یانەکە رابگەیێنێت.
به‌پێى زانیاریه‌كان كارگێڕی یانه‌كه بۆ ئه‌و مه‌به‌سته رۆژی دووشه‌ممه‌ی داهاتوو كۆبوونه‌وه‌یه‌كی تایبه‌تی سازده‌كات.
1374 جار خوێندراوەتەوە